Көкшетауым

Бұл бетте «Көкшетауым» атты Серік Тұрғынбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 18.09.2021
  • 0
  • 0
  • 1088
Көкшетауым!
Көкшетауым – көріктім.
Көпке дейін көрмей кетсем зеріктім.
Жүрегімді ашып көрсең сезер ең
Саған деген сағынышын Серіктің.
Көкшетауым!
Көкшетауым – асылым.
Хан-патшадан жаратылған нәсілің.
Көз алдымда Қыз Жібек боп, Баян боп,
Мені мәңгі құмар қылған ғашығым.
Көкшетауым!
Көкшетауым – аяулым.
Көңіліңе түспесінші қаяу-мұң.
Сүйген жүрек ешқашанда ұйықтамас,
Сені ойласам – түн ішінде ояумын.
Көкшетауым!
Көкшетауым – қымбаттым,
Талай-талай тым алыстан үн қаттың.
Ешқашанда таба алмаспын теңеуін
Саған біткен сұлулық пен сымбаттың.
Көкшетауым!
Көкшетауым – кербезім,
Көгімдегі – Шолпанымсың,
Жерде – өзім.
Арман бар ма?..
Арман бар ма
Адамда
Жігіттіктің сенде өткізген дер кезін.
Көкшетауым!
Көкшетауым – тәңірім,
Ақ тілектің айтар болсам анығын.
Сені жырлап,
Сені сүйген жүрекке
Ешкім енді жүргізе алмас әмірін!


Пікірлер (0)

Пікір қалдырыңыз

Жиі қойылатын сұрақтар

Көкшетауым өлеңінің авторы кім?

Серік Тұрғынбеков — осы өлеңнің авторы.

Көкшетауым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көкшетауым өлеңі не туралы?

Бұл өлеңде Серік Тұрғынбеков өз ойы мен сезімін көркем түрде жеткізеді.

Көкшетауым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері