Өлең, жыр, ақындар

Жау деген не?

  • 19.09.2021
  • 0
  • 0
  • 1204
Жұрт бiлетiн қашаннан
Аңқау өмiр сүрiптi.
Бiрде ауылға жасанған
Сұм жау басып кiрiптi.
Жау келедi дегендi
Ол да естiп қалыпты.
Қолына ұстап жүгендi,
Атын ерттеп алыпты.
«Немене жау дегенi,
Қарсы алдынан шабайын.
Дұрыс болды-ау келгенi,
Жүзiн көрiп қалайын...»
Жеке келген аңқауды
Жау қоршауға алады.
Аңқау жайын байқады,
Iс қиындап барады.
Бiрi аңдап аңысын,
Бөркiн шауып түсiрдi.
Жау дегеннiң мəнiсiн
Аңқау жаңа түсiндi.
«Құртады ғой бұлар!» – деп
Жүйрiк атын борбайлап,
«Өзiмдi опат қылар!» – деп,
Аңқау қашты ойбайлап.
Жүйрiк аттың күшiмен
Жаны аман қалыпты.
Алаңғасар iсiнен
Үлкен сабақ алыпты...
Жау келсе егер елiңе,
Керегi жоқ танысып.
Қуып туған жерiңнен,
Құрту керек шабысып.
Қару алып сайысып
Өзiң үшiн,
Жер үшiн;
Өту керек алысып
Ұрпақ үшiн,
Ел үшiн...



Пікірлер (0)

Пікір қалдырыңыз

Жетік екен есепке

  • 0
  • 0

Əкесi ұзақ сапардан
Қайтып, үйде отырды.
Сұрады ұлы Қапардан:
– Қалай, жайы оқудың?

Толық

Жолбарыс батырдың түсі

  • 0
  • 0

Батыр бастап жорықты,
Пана болған халқына,
Көрген түсін жорытты,
Ақылгөй ел қартына.

Толық

Алшы

  • 0
  • 0

Ақ кимешек басында,
Ақ ниеттi сөзi де.
Аппақ едi шашы да,
Ақ қағаздай өзi де.

Толық

Қарап көріңіз