Өлең, жыр, ақындар

Ұлы арман

  • 19.09.2021
  • 0
  • 0
  • 374
Ғаламның түйсігін қозғаған,
Дүниеде еш ақын жазбаған-
Ұлы жыр бастағым келеді,
Баурына басатын боз далам.
Фәниге алғашқы әм соңғы рет келгесін,
Елемей өлеңнен өңгесін,
Төрт шумақ ұлы жыр жазсам-ау,
Жұбатып жалғанның пендесін.
Ұлы жыр тек тартса жұртымнан,
Артылса мыңжылдық ұрқымнан.
Барлығын білген күн, тыйылар-
Айбатын шеккендер сыртымнан.
Өлеңге қайғымды қосқанда,
Аңсарым ауады аспанға.
Құс жолын бетке алып кеткенмен,
Айналсам мыңжылдық дастанға.
Фәниге ақын боп келгесін,
Елемей өлеңнен өңгесін
Ұлы жыр жазармын, Тәңірім –
Ұмытып кетпесе пендесін.
Қанатын қыранша қомдаған,
Қыранша зау көкке самғаған.
Тарихта санаулы-ақ ақын бар,
Ұрқына ұлы жыр жалғаған.



Пікірлер (0)

Пікір қалдырыңыз

Көктемдегі ақ жауынға құмармын

  • 0
  • 0

Көктемдегі ақ жауынға құмармын,
Сол арқылы мәңгі жасап тұрармын.
Жай отындай жасын мінез танытып,
Өлең болып төгілетін шығармын.

Толық

Алматының қыздары

  • 0
  • 0

Алматы әлпештелген әйбат қала,
Айналама қарадым жәйлап қана.
Шаһардың ен төсінде еркелейді,
Бір күлімкөз еріні оймақтана.

Толық

Қадірім білінбей өзіңе

  • 0
  • 0

Қадірім білінбей өзіңе,
Сонау бір балауса көктемде.
Тамшы жас іркілген көзіме,
Ауылдан сен ұзап кеткенде.

Толық

Қарап көріңіз