Өлең, жыр, ақындар

Төрт мезгіл

  • 20.09.2021
  • 0
  • 0
  • 1484
Мына жолдар барады алып көктемге,
Ешқашан да оралмайды ол өткенге.
Жете сала өте шығар жазды iздеп,
Мұратына бiздей ол да жеткен бе?
Құлақ түрiп бұлақтардың назына,
Құлақ түрiп аққулар мен қазына.
Күзге қарай басталады сапары,
Жеткеннен соң қызығы көп жазына.
Күзге жетер жапырағы сарғайған,
Сағыныштан үзiлердей талмайды ән.
Ары қарай қысты iздеп жан-жақтан,
Тарау-тарау жол шығады шалғайдан.
Аппақ қарға оранғандай шартарап,
Көктемдегi аманатты арқалап.
Қысқа жетер сақылдаған аязы,
Күзден қашқан қара жолдар анталап.
Қыстан кейiн көктемдi iздеп жол шығар,
Ырыздығы жолаушының мол шығар.
Төрт мезгiлден тұратұғын, аяулым,
Бұл өмiрдiң бар қызығы сол шығар.



Пікірлер (0)

Пікір қалдырыңыз

Қалжырағам бiр ойдан соң бiр ойдан

  • 0
  • 0

Қалжырағам бiр ойдан соң бiр ойдан,
Алданған соң
жалған жылы шырайдан,
Ұмыттыңдар арманы асқақ ақынды,

Толық

Қайнадым қара шәйнекте

  • 0
  • 0

Қайнадым қара шәйнекте,
Дауасы су деп дертiмнiң.
Жаңбыр жауғанда әйнекке,
Сағыныш болып шертiлдiм.

Толық

Көп болды құстай қанат қағысқалы

  • 0
  • 0

Көп болды құстай қанат қағысқалы,
Армысың,
бауырларым алыстағы.
Арада қилы-қилы жылдар өтiп,

Толық