Өлең, жыр, ақындар

Арман болған бүгiнде

  • 21.09.2021
  • 0
  • 0
  • 384
Арман болған бүгiнде,
Сұлу қызы Сиқымның.
Сезер ме екен түбiнде,
Бұзылғанын ұйқымның.
Үкiмiмiз кесiлген,
Жүректi ездi түнгi мұң.
Шықпай қойдың есiмнен,
Ару қызы Сүңгiнiң.
Ендi сайрар бұлбұлдар,
Бiздi де ертең бiлем дер.
Өзiңдi iздеп бұл жылдар,
Құлазиды Күреңбел.
Ол құшағын жайған күн,
Қалдың елдiң ары боп.
Шығыс жаққа Найманның,
Кете бардың жары боп.
Мен арманшыл ұл едiм,
Елiгi едiң Жамбылдың.
Айдың алтын нұры едiң,
Ұмыта алмай қаңғырдым.
Хабар бермей адаспа,
Құрдасыңа қайтейiн.
Жан жетпейдi Алашта,
Бiр басыңа қайтейiн.
Бар қызығы жалғанның,
Сенде кеттi қайтейiн.
Мәңгi жаулап алған мұң,
Менде кеттi қайтейiн.
Нұрлы жүзiң зар кезде,
Көрiнбедi қайтейiн.
Сүйемедi тар кезде,
Елiм менi қайтейiн.
Жаңбыр жырды селдеттiң,
Дақ түсiрмей арыңа.
Бақыт тiлеп мен кеттiм,
Жан ұяң мен жарыңа.



Пікірлер (0)

Пікір қалдырыңыз

Қолдаушысы Алаш атты рухтың...

  • 0
  • 0

Беу Астана,
алтын ордам,
көкорай бел,
көк кiлем,

Толық

Жүрегімді нұрға бөлеп, толқыттың-ау сен

  • 0
  • 0

Жүрегімді нұрға бөлеп, толқыттың-ау сен,
Жалт ете қап, жоқ боп кетіп, қорқыттың-ау сен.
Сол бір сәтте жас жанымды жараладың сен,
Неге мені бақытыңа баламадың сен.

Толық

Даламызға шапағатын шашты кім

  • 0
  • 0

Даламызға шапағатын шашты кім,
Кімдер келіп жасамады қастығын.
Айтыңдаршы, ағайындар, күні ертең,
Сақталмаса, не боламыз Дәстүрім.

Толық

Қарап көріңіз