Өлең, жыр, ақындар

Бақанас – біздің балалық

  • 24.09.2021
  • 0
  • 0
  • 1198
Ұл едік онда, қыз едік,
Бір емес едік – жүз едік.
Бақанас деген өзенді
Олай да кешкен – біз едік,
Бұлай да кешкен – біз едік!
Бұрымын иіскеп бал қыздың,
Жұпарын жұттық жалбыздың.
Бақанас өзі жұбатты
Жабырқап қалсақ жалғыз күн.
Адамның жастық ғұмыры –
Шапқан бір аттың дүбірі.
Құлағымда әлі жүр менің
Қыздардың тәтті күбірі.
Оралса ойға кейде осы,
Жыртылар көңіл жейдесі.
Жүрегімде әлі жүр менің
Қыздардың уыз бейнесі.
Алысқа бетті түзедік,
Ұл едік кеше, қыз едік.
Балалық деген өзенді
Олай да кешкен – біз едік,
Бұлай да кешкен – біз едік!

1980



Пікірлер (0)

Пікір қалдырыңыз

Көз жасы

  • 0
  • 0

Бұл дүние тұспалдамай, астарламай,
Тұра ма төмендемей, аспандамай?
Жарқыным, айырмаң бар тастан қалай,
Өтсең бір жанарыңнан жас парламай?

Толық

Қазақстаным

  • 0
  • 0

Мекенім, жерім – қарт анам,
Уызың кетпес таңдайдан.
Шалғының сипап арқадан,
Сүйеді күнің маңдайдан.

Толық

Бой сала биіктейді

  • 0
  • 0

Әркім де өрмелейді тауға қарай,
Тізгінін ұстата ма арман оңай?
Шығатын өздігінен өрге кім бар,
Қарманып, әр бұтадан саумаламай?

Толық

Қарап көріңіз

Басқа да жазбалар