Өлең, жыр, ақындар

Терезе

  • 25.09.2021
  • 0
  • 0
  • 928
Естелігім мамықтай ма,
түсі аппақ?!
Албырт шаққа барғым келді
Алқызыл гүл құшақтап.
Түсінбедім себебін,
Алдыңда бір ақтарылсам деп едім.
Көрсетпеппін қыз секілді мен қылық,
Үнсіздікті неге үнемі жеңді үміт?
Қоятындай көзімдегі шерді ұғып,
Терезеңе тұратынмын телміріп.
Ешкім бірақ
Естімеді жүрек салған әуенді,
Мекен ғой бұл жарыққа тым тәуелді!
Күндер өткен, дәл солайша қайғы өтті,
Кінәладым сезімді емес, әйнекті!
Басқа тұстан таптым ба екем бағымды,
Сонда менің сағынышым кім еді?
Ол махаббат ауыртпайды жанымды,
Ал, Терезе түсіме әлі кіреді.



Пікірлер (0)

Пікір қалдырыңыз

Жағалаудағы жыр

  • 0
  • 0

Жұлдыз болсам мен егер,
Аспанға алаңдамай,
Асығып ағар едім саған қарай...
Көк Каспий,

Толық

Ханшайым

  • 0
  • 1

Әрбір атқан таң сайын,
Неге сені аңсаймын?
Менен көрі,
Сені жақсы түсінетін секілді,

Толық

Сұлу Сәуір

  • 0
  • 0

Сұлу Сәуір,
Күле қалсаң, саған қарап жымиып,
Ал жыласаң, ауырады жүрегім.
Көктем-көркің келбетіңде бұйығып,

Толық

Қарап көріңіз