Өлең, жыр, ақындар

Су перісі, қайдасың?

  • 26.09.2021
  • 0
  • 0
  • 899
Мына дерттің таба алмадым айласын,
Жүрегіме қалай уын жаймасын?
Адамзаттың баласынан үміт аз,
Арашала, Су перісі, қайдасың?!
Су перісі, іздегенде сені мен,
Үн қатпасаң арманымның төрінен:
Жарық күнді көре тұрып, көрмеймін,
Тәтті өмірді сүйе тұрып, жерінем!
Тұтанғанда ессіз ләззат оты сәл,
Еркің білсін, бір тозаққа екі сал.
Мен емеспін жырындағы Пушкиннің
Соншалықты сорлы болған сопы шал.
Түн ішінде судан шықсаң ұрланып,
Мен қараймын бір­ақ сәтке мұңданып.
Өрттей жанған жанарыңның ішінде
Шыбын жаным шырайланар нұрланып!.



Пікірлер (0)

Пікір қалдырыңыз

Топырағың торқа болсын

  • 0
  • 0

Топырағың торқа болсын, өлген сөз бен өлген ой,
Әуел бастан тағдыр жазған орның сенің көрде ғой.
Тіршіліктің тік қазығы қызыл тілге мызғымас,
Жанталасып жармасқанмен бұл фәниге пенде өгей.

Толық

Қасым

  • 0
  • 0

Айқастан аман шығар мыңнан бірі,
Ақындар – арпалыстың құрбандығы.
Өлеңнің қағанағы жарылған күн –
Қасымдай хас тұлпардың туған күні.

Толық

Жеңеше

  • 0
  • 0

Кездерімде сәл жүдеген,
Бір өзіңді аңсадым.
Шаршап келсем, елжіреген
Жүрегіңді аңсадым.

Толық

Қарап көріңіз

Басқа да жазбалар