Айтқали Нәріков‎

Албырт шақ

Бұл бетте «Албырт шақ» атты Айтқали Нәріков‎ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.11.2015
0
0
3087

Жас кезіңде биік болар арманың,
Бақыт әнін шырқап тұрар жан-жағың.
Өткен күндер өзгеше бір қызықты,
Ғажайып боп елестейді алдағың.
Өмір бойы кім серілік құрыпты?
Мойындайсың ата салт пен ғұрыпты.
Бойдақтықтың ауылынан алыстап,
Мойыныңа ілдіресің құрықты.
Өзің де жас, жарың да жас, көңіл - гүл,
Аспан ашық, көкжиегің көгілдір.
Кенелесің бір көл-көсір бақытқа,
Мәңгі есте қалатұғын кезің бұл.
Құдайдай-ақ сенесің сен досыңа,
Көбейесің, досыңа дос қосыла.
Жақсы, жаман бір жүрерін ойлантпас,
Еш алаңсыз албырт шағың осы да!..

Албырт шақ Айтқали Нәріков‎ Айтқали Нәріков‎ өлеңдері

Пікірлер (0)

Пікір қалдырыңыз

Жиі қойылатын сұрақтар