Өлең, жыр, ақындар

Бейбітшілік майданы

  • 26.09.2021
  • 0
  • 0
  • 1093
Жұмыс дедік,
бермедік тынысқа ерік,
жүр-ау содан жүйкелер жіңішкеріп.
Сілкіп сөйлеп, сондықтан жұлқып іштік,
көңіл тілер, сондықтан бір тыныштық.
Тыныштық па?
Тыныштық қайда саған,
мен де ізімді, деп жүрмін, Айға салам.
Алыс арман, асығыс көп үмітті
қуып жүріп талай тер төгіліпті.
Сүйген жарға ішпей-ақ тиіс, інім,
тыныштығын сол бұзса үй ішінің.
Жел мүжісе — қарт емен ормандағы
жапырағының тозарын ол да аңдыды.
Тозбас үшін тоздыру кейде керек,
айқын ойды — ашық сөз бейнелемек:
кесім кестік,
кетістік,
тексерістік —
бір тыныштық үшін біз көп соғыстық.
Ерге жақпас болар ма ер кеңесі:
ал, термеле дос, қасты термелеші,
Күрес керек бір мықты,
күрес керек
тыныштықты қорғауға Жердегі осы!



Пікірлер (0)

Пікір қалдырыңыз

"Ақөзекте" айлы кеш

  • 0
  • 0

"Ақөзектің" пәк жүзін жымыңдатып,
бұлт-бұлт етіп барады құлын батып.
Құлын батып барады. Жас сұлудың
жауырынына кетіпті бұрым батып.

Толық

Соқ, сағат! (1 басылым) цикл

  • 0
  • 0

Иегін тау сүйеп Жиекке
Үмітін тұр артып.
Тағы бір ғажайып түн өтті –
Тек қана үлгердім құмартып.

Толық

Асан ата

  • 0
  • 0

He жетпеді аңыз-атаға сонда
"Қайғы" деген сөз қостыртып Асанға?
Кісілікті кемітуге келгенде
бір есебін тапқан-ау жұрт қашанда.

Толық

Қарап көріңіз