Ақөзек бойында

Бұл бетте «Ақөзек бойында» атты Жұмекен Нәжімеденов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 26.09.2021
  • 0
  • 0
  • 741
Тас төбеден төніп кеп Ай үңілді —
Неткен сәуле жұп-жұмсақ, қайырымды!
Көл езуі сылпылдап өсек айтар,
байқап сырғыт, бала-дос, қайығыңды,
Келе ме екен тербетіп ұйқы мені —
көңіл байғұс бір бейжай күй тіледі.
Түнгі дауыс, білесің, кетеді алыс,
сезіп қалды... тыңдашы, ит үреді?!
Ескегіңді суыршы судан енді —
соңымыздан көп дыбыс шулап ерді.
Мен де ерімін қаланың, сөкпе, досым,
қызық пен қыз деп ұққан туған елді...
Әже байғұс жалқы үйлі жағадағы
жалғыз қызың жарғақ боп баға ма әлі?
Енші алысты дедің бе,
Көз жақсының
соқтықпалау деуші еді ағалары?!
Сейіл құрдық, мақұл-ау қайтса да енді,
бүл ауылға, сұраса, айт сәлемді.
Пиғыл түзу, кеткен жоқ әзірге есе,
құрдастарым, болды тек, әзілдесе:
"әлі түнде жүреді мына ағаң деп,
талай әсем қыздарға ұнаған деп".
көңіл-көбең
сондықтан,
әлгі әзілге
күле берсем — бар мақсұт, шыдаған боп..


Пікірлер (0)

Пікір қалдырыңыз

Жиі қойылатын сұрақтар

Ақөзек бойында өлеңінің авторы кім?

Жұмекен Нәжімеденов — осы өлеңнің авторы.

Ақөзек бойында өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ақөзек бойында өлеңі не туралы?

Бұл өлеңде Жұмекен Нәжімеденов өз ойы мен сезімін көркем түрде жеткізеді.

Ақөзек бойында өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері