Өлең, жыр, ақындар

Туған жер

  • 27.09.2021
  • 0
  • 0
  • 3424
— Туған жерің қай жер, — деді, — жаңа ақын?
— Ол жерде де аспан мен күн болатын.
— Туған жерің қай жер? — деді бір келіншек күлегеш,
— Қара жер! — деп жауап бердім, — су емес.
— Он жылдықты қайда оқыдың? — деді ер бір,
— Мектепте! — деп толқыдым мен, —
оқытқан-ды өз ісіне ұсталар...
— Ауа райы қандай еді ол жердің?
— Жауатұғын жазда — жаңбыр, қыста — қар,
бұлттар маңып жататұғын биікте,
бар еді онда бұралқы ит те, киік те.
Шөптің басы сыбдырлайтын жел ессе...
— Барлық жер де дәл осындай емес пе?!
— Міне, — дедім, енді дұрыс ұқтыңыз,
Қайда да бар ойлы жігіт, мықты қыз.
Отанның қай жеріне де күн мен ауа тарайды,
Қай төбенің аспаны да арайлы,
Қай төбе де туған жер деп мақтануға жарайды.


Пікірлер (0)

Пікір қалдырыңыз

Аударып тастадым календарь бір бетін

  • 0
  • 0

Аударып тастадым календарь бір бетін,
көйлегім тастадым көне бір.
Өлімді жек көрсе кімде-кім,
атқарған болады адамдық міндетін.

Толық

Ырым

  • 0
  • 0

Ырымшыл ма,
Құдайшыл ма сол кісі?
Жақын ұғым алдыңғысы, соңғысы:
ырымшылдық — қараңғылық деп ұқтық,

Толық

Москва сапары

  • 0
  • 0

...Кіріп келдім сонау өткен күнге мен,
Ат делбесін, сабын ағаш найзаның
Ұстады екен қай данышпан, қай залым?!
Салқындықты сезініп-ақ тұр денем.

Толық