Өлең, жыр, ақындар

Хабар, хабаршы

  • 27.09.2021
  • 0
  • 0
  • 796
Таң алдында бір қызыл ту қанатты:
— Таң атты, — деп хабарлады.
— Таң атты!
Көкжиектің көгіс-сұрқай еріні
Шоқ-Қызыл гүл тістегендей, қанап тұр.
— Таң атты! — деп хабарлады ұлы адам,
Күн шығыстан күрең сәуле құлады, ал!
Бір ұлы ту көлбегенде күп-күрең
тастың өзі күреңітті — бітті рең.
Ат дүбірі тоқтады үйдің сыртына,
— Жау шапты,— деп жаңғырықты қыр-қырат.
Ақ жалынның алтын жалын қырқып ап,
Шостакович күй шығарды бұрқырап.
— Жауды жеңдік! — шауып келді салт атты,
Көкке атты жұрт бөрік, тұмақ, қалпақты.
— Жауды жеңдік! — Жетті хабар-хат аппақ,
Жел тұрды бір ақшамғы апақ-сапақта:
Миллион кептер бір сәтте ұшқанға ұқсады,
Миллион жапырақ бір сәт қолын шапақтап.
— Хабар! — деді кеше маған бір сыпсың,—
Жігіт еді қысыр ойлы, қырсықшыл,
Қайдан болсын о секілді сорлыда әл:
Түгеншеев түсед дейді орнынан,
түссе, — деді, жарылқасын алдынан! —
Елең еткен болмады, әттең, жан бұған.
Ақсаң қақты хабаршының тісі аппақ,
ақ тісі де кеткен екен ұсақтап,
Қызыл тілін кесейік, бір пышақ тап!
Қанша құйты,
Қаншама ұсақ десек те
бір хабарды бұл да айтты деп есепте.
Сенің дағы солқып бітті-ау қос өкпең,
Соқыр-болжам,
сорлы пиғыл-өсектер!



Пікірлер (0)

Пікір қалдырыңыз

Ақ шәлі

  • 0
  • 0

Ақ шәлілі қалалық
ана еді, бір күні
салып келді жаға ғып
бурыл-шулан түлкіні.

Толық

Ақ сүт

  • 0
  • 0

Жалғыз ұлы кемпірдің жігіт еді өткір бір
Сөйлеп кетсе — сөзінің өткірлігі бет тілді.
Анасына бір күні:
— Ырзамысың балаңа,

Толық

Бөрік

  • 0
  • 0

Әкелері тірі қайтқан майданнан
Құрбылардың шаттығынан қайғы алғам:
Сары тоғалы белбеу буынған бала
Мәз боп келді,

Толық

Қарап көріңіз