Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Олжас Сүлейменов

Қасқырдың бөлтіріктері

Бұл бетте «Қасқырдың бөлтіріктері» атты Олжас Сүлейменов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.10.2021
1
0
7011

Жолаушы ма?
Кезіп жүрген малшы ма?
Жәй кезбе ме?
Әлде жүрген аңшы ма?
Сұлап жатқан көріп қалды қасқырды,
Дұрысын айтсақ,
Арланы емес,
Қанышығын
Жортып өскен тағы түздің тағы аңы
Жатыр екен жосадай боп тамағы.
Күрең қызыл,
Ұйып қалған қақ болып
Қалың шөпке,
Боз жусанға қаны ағып
Кім кінәлі?
Айуандар ма?
Аңшы ма?
Кім өлтірді оны ұрып соншама?
Аш күшіктер таласып кеп емеді
Ақ емшекті бөккен қызыл тамшыға.
Жақын түгіл аяр еді жат тегі,
Оянбайтын бір ұйқыға батты өлік
Жарақаттың аузын ашып күшіктер,
Шешесінің жылы қанын жатты еміп.
Бірте-бірте мұзға айналып от дене
Көкжал дәурен өтті бастан Әттеген!
Қанмен бірге күшіктердің бойына
Сіңе берді ашу-ыза, кек деген.
Әлгі кісі кезіп жүрген қиянды
Қас жауы екен қасқырлардың зиянды.
Бірақ та ол Анасынан айырылған
Жетімдерді Өлтіруге ұялды.

Олжас Сүлейменов қасқыр бөлтіріктер қасқырдың бөлтіріктері Олжас Сүлейменов өлеңдері

Пікірлер (0)

Пікір қалдырыңыз

Жиі қойылатын сұрақтар