Өлең, жыр, ақындар

Қазағым менің

  • 18.10.2021
  • 0
  • 0
  • 1632
Қалың елім – қазағым менің,
Қаным да сенсің, жаным да сенсің менің.
Маңдайыма тағдыр сыйлаған,
Ғажабым сенсің, азабым сенсің менің!

Қайырмасы:
Байтақ далам, бабамнан қалған,
Шалқыған шалқар,
Атырабыңнан айналдым сенің!
Ата-бабам, анам жаралған,
Аңқыған жұпар,
Топырағыңнан айналдым сенің!

Асыл елім – ардағым менің,
Барым да сенсің, арым да сенсің менің.
Желтоқсанда туын жықпаған,
Намысым сенсің, жеңісім сенсің менің!

Қайырмасы.

Еркін елім – ертеңім менің,
Анам да сенсің, панам да сенсің менің.
Аспанымда күндей жайнаған,
Байрағым сенсің – айбарым сенсің менің!

Қайырмасы.


Пікірлер (0)

Пікір қалдырыңыз

Айдын көлім, айтсайшы...

  • 0
  • 0

Айдын көлім, жел желпіген ақ жібектей ару көлім,
Толқыныңды толқын болып сүюші еді жаным менің.
Естен кетпес шаттығыңа шақырғандай бетің шалқып,
Менің аппақ аяулымдай жатырсың сәл езу тартып.

Толық

Отан

  • 0
  • 10

Біздер үшін Отан жалғыз, Ту жалғыз,
Қорғамасақ несін ұл боп туғанбыз?!
Кіндігіміз тар қапаста кесіліп,
Ит көйлекті қанды жаспен жуғанбыз.

Толық

Жесір

  • 0
  • 0

Жарын жоқтап зар қағады бір жесір,
Қаралыға қан жұтқызып тіл кесір.
Нұры шалқып нәзік әйел жанының,
Бұрынғыдай төкпейді енді гүлге сыр.

Толық