Ерке құсым

Үнсіз ғана күлімдейсің,
Жүрегімді тілімдейсің.
Тұнық судың бетіндегі
Ай нұрындай дірілдейсің!

Қайырмасы:
Айналайын, ерке құсым,
Жан сырыңды шертемісің?
Бұл жалғанда таусылмайтын,
Таңғажайып ертегісің!

Ақ мамықтай үлпілдейсің,
Сәби күнгі күлкімдейсің.
Шөліркеген қарлығаштың
Көмейіндей бүлкілдейсің.

Қайырмасы.

Тамшыдайсың ыршып аққан,
Жас гүлдейсің бүршік атқан.
Тұна қалған сәуледейсің,
Көктемдегі күншуақтан!

Қайырмасы.

---