Жан жарым – Несіпбек Айтұлы

Сертіңнен айнымастан,
Сыңарым Тәңір қосқан.
Аққудай таранасың,
Айдынға бауыр басқан.
Жүзіңді мұң шалмасын, айқабағым,
Қасыңда көбелектей айналамын,
Келеді сәт сайын аймалағым!

Қайырмасы:
Лебізің інжу-маржан,
Ақ гүлім бүршік жарған,
Арайлы көктем таңында.
Үлбіреп сен тұрасың,
Күн сайын құлпырасың,
Жанымның жасыл бағында.
Қарашығым – сен,
Жанашырым – сен!
Асыл ардағым,
Ана тілім – сен!

Тірегім босағамда,
Арқауым босағанда.
Өзіңді маған қосқан,
Ризамын жасағанға!
Жан жарым, жаз көңілім, күн шуағым,
Мәңгілік махаббатқа құлшынамын,
Қасымда сен аман жүрші, жаным!

Қайырмасы.