Айсәулем

Аялдамай алтын күн бел асқанда,
Айдың жүзі дөңгелер көк аспанда.
Бір көрінші жарқырап туған айдай,
Он сегіздің ауылынан адасқанда.

Қайырмасы:
Ән тербетіп,
Қоңыр желдетіп,
Көктем көшті көңілімнен
Керуендетіп.
Сағынғаным­ай, сарғайғаным­ай,
Осы еді сені армандап,
Салған әнім­ай,
Сәуле жаным­ай!

Мөлдіреген көзімнің қарасында,
Балдәуренді ойыңа аласың ба?
Қанатыңды талдырып қарлығаштай,
Сағынғанда айналып соғасың ба?

Қайырмасы.