Махаббат назы

Аялағаным, саялағаным, бағалағаным бағыма,
Еркелей басып, құшағыңды ашып, жақындау келші жаныма.
Еркіңе көнбей, толқыған көлдей, шалқыған желдей, шіркін­-ай,
Өзіңе мәлім өмірдің әнін қозғашы, жаным, сағына.

Қайырмасы:
Сәттері қандай,
Тәтті еді балдай,
Әттең­ай, сол бір таңдар-ай!
Арман­ай!

Сенген ардағым, таңдап алғаным, қонған арманым қолыма,
Жанымның нұрын, көңілдің гүлін төсейін жүрер жолыңа.
Басыңда тұрмай, жығылған тудай, жүгірген судай, шіркін­ай,
Өткенше дәурен, ризамын, сәулем, қасымда сенің барыңа.

Қайырмасы.