Өлең, жыр, ақындар

Көңіл назы

  • 02.11.2021
  • 0
  • 0
  • 1498
Өмірдің жазы өтіп,
Қысы қалды,
Көңілдің іші тозып,
Тысы қалды.
Сыр бермей серілікпен жүрсем­дағы,
Кәрілік қыр соңыма түсіп алды.
Барады жылдар өтіп ағындаған,
Таусылмас, қайран көңіл, назың маған.
Баяғы қызыл ішік киген қызды
Боламын сағынсам да сағынбаған.
Келер деп ел шетіне сырласуға,
Қарайлап тұрғандаймын шың басында.
«Жезкиік» жаутаң қағып жұртқа жайды,
Қалғандай аңыз болып бір ғасырға.
Ақтарсам айтылмаған үзік сырды,
Жүрекке тым ертерек бұзық кірді.
Көкшетау көп қызының еркесі едім,
Бір қызы Қызылжардың қызықтырды.
Қыс келсе бар құпия баяндалды,
Шабыс жоқ қара жорға аяң қалды.
Көз салған аққу­қазға дәурен өтіп,
Бәйбішем, сенің ғана саяң қалды.

11.12.2010



Пікірлер (0)

Пікір қалдырыңыз

Оңбайды ақынды атқандар

  • 0
  • 0

Қыранға оқ жұмсау қатерлі,
Жұмсаған... шын сұмдық әкелді.
Қай мәңгүрт қиды екен ажалға
Адамзат сұңқары Сәкенді?

Толық

Манаштай адал дос қайда?!

  • 0
  • 0

Манаштай адал дос қайда?!
Тобылға жеттім толғанып,
Лүпілін жүрек қолға алып.
Кәкімбек Салықов

Толық

Қаныш және Қарсақбай

  • 0
  • 0

Қаныш және Қарсақбай
«Қара қазан Қарсақбайы» қазақтың,
Қанышты айтсам,
Кәкімбек Салықов

Толық

Қарап көріңіз

Басқа да жазбалар