Өлең, жыр, ақындар

Құрдасқа

  • 02.11.2021
  • 0
  • 0
  • 726
Нұрғожа, қадірменді құрдасымсың,
Сыр шертсем ескі шерім бір басылсын.
Біз туған отыз екінші жыл апат еді­ау,
Аштықтан аман қалған бір ғасырсың.
Жас ұрпақ бұл сұмдықты біле жүрсін,
Ата­ана ақталды ғой тілегі шын.
Қазақтың тең жарымы қырылғанда,
Біреудің есен қалған тірнегісің.
Бала едік соғыс жылдар дірдектеген,
Айтуға кей сұмдықты тіл жетпеген.
Соқамен сиыр жеккен бораздада,
Күндер­ай екі көзден мұң кетпеген.
Сақтады Құдай жоқтан от аларды,
Нар етті өңкей жүдеу боталарды.
Қарашы құрдастарға,
Кім сыйламас
Атақты Шерхан, Камал, Шоталарды?!
Маңайын сыйлағандай Құнанбайдың,
Ежелден досы екенсің Тұманбайдың.
Кіршіксіз сүттей таза араларың,
Мен қалай бұл ғажапқа қуанбаймын!
Жетпіс бес – елу де емес, алпыс та емес,
Тірлікте баға жетпес жарқын белес.
Қызық өтті, алдымда не болар деп,
Құрмайық құтты жаспен салқын кеңес.
Қазанат жүк көтердік аруақ жебеп,
Азамат ізіміз бар мұрат демек.
Сұрайтын Жаратқаннан енді бізге
Көз жұмбай серттен таймас қуат керек.

20.10.2007.
Астана



Пікірлер (0)

Пікір қалдырыңыз

Өтті ғасыр

  • 0
  • 0

Өтті ғасыр...
Атомшыл заманды алып,
Бітті Одақтың ғұмыры тәмамдалып.
Кетті Семей сілкінтіп полигонын,

Толық

Жүректе дақ қалмасын

  • 0
  • 0

Жүректе дақ қалмасын
Жасымнан жақын дос еді,
Жоқ жерде қатты қағыстық.
Кәкімбек Салықов

Толық

Бұлақтың көзін ашқанда

  • 0
  • 0

Тік шатқал етегінде жас құрақтың,
Сыбыры естілмейді тас бұлақтың.
Жан толқып,
Көңіл шалқыр сәт екен ғой,

Толық

Қарап көріңіз

Пікірлер