Өлең, жыр, ақындар

Қажымұратқа алғысым

  • 03.11.2021
  • 0
  • 0
  • 565
Төлегендей мүсінші інім қасымда,
Тұрдық үнсіз Еркін аға басында.
Осы да бір есте қалар мезет­ау,
Айқын таңба біздің шеккен ғасырға.
Белгі ғажап Ерағаңдай асылға,
Сүйсіндірер көрген дос пен қасын да.
Өшпестей боп ел алғысы жазулы
Ескерткіштің биік тұғыр тасында.
Тере берсем ой жетеді ақынға,
Сәт үйір­ау жүректері жақынға.
Еркін төрі – орталығы ауданның,
Дана туған Ғабит аға атында.
Мың сыбырлап, тебірентеді ойдағым,
Бір өзіңе алғыс айту сондағым.
Бір ауданды атап Мағжан атымен,
Сәбит, Ғабит жасап кеттің тойларын.
Мәриям апай бәрін көріп үлгерді,
Президент те оған тойлы гүл берді.
Көзім көрген, ұмытуға хақым жоқ
Жыр төгілткен сол тарихи күндерді.
Бұл күндерді десең неге толғаттың,
Қажымұрат, алғыс айтар жол таптым.
Ел Еркінмен еңіреп жүріп қоштасса,
Сен тас белгі – зор ескерткіш орнаттың.
Еңбек Ері, азамат қой аты ірі,
Маған керек жан ағаның бақұлы.
Мың, мың рақмет!
Бақытты бол, Қажеке,
Солтүстіктің сол кездегі әкімі!



Пікірлер (0)

Пікір қалдырыңыз

Асау жүрек тулайды сені көрсе

  • 0
  • 0

Асау жүрек тулайды сені көрсе,
Жүрер едік жұптасып жөні келсе.
Алшақ кеттік, тағдырдың бұйрығына
Кәкімбек Салықов

Толық

Ұлттық мүдде жаршысы

  • 0
  • 0

Құттықтап үш жиырма бес жасыңменен,
Аманжол, Алдыңда тұр асыл белең.
Сен­дағы құр алақан келген жоқсың,
Сырың мол ескі, жаңа ғасырменен.

Толық

Есілдегі Астана

  • 0
  • 0

Есілдегі Астана
Қоштасып қарт Алатау астанамен,
Көш тартты Сарыарқаға басты мәрем.
Кәкімбек Салықов

Толық

Қарап көріңіз