Кәкімбек Салықов

Жасқанып жүрмін баруға

Бұл бетте «Жасқанып жүрмін баруға» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.11.2021
0
0
976

(Мұса Асайыновқа)

Естілді хабар
Қайғыға терең салуға,
Отырмын даяр
От болып лаулап жануға.
Жалғызтауда жоқ дейді жалғыз бауырым,
Ауыл жаққа жасқанып жүрмін баруға.
Ақиық еді
Қаймықпай кірер дауылға,
Құлагер еді
Жаралған оза шабуға.
Айыртауда жоқ дейді ақын бауырым,
Ауыл жаққа бата алмай жүрмін баруға.
Үзбеуші ем үміт
Сенгендей қолда қаруға,
Барушы ем аңсап
Әнкүйден сабақ алуға.
Сексен көлде жоқ дейді жалғыз бауырым,
Ауыл жаққа сескеніп жүрмін баруға.
Жүйрік қой тағдыр
Аяқтан оқыс шалуға,
Күтпеген жерде
Жақсыны таңдап алуға.
Көкшетауда жоқ дейді кербез бауырым,
Ауыл жаққа қиналып жүрмін баруға.

1976

Кәкімбек Салықов жасқанып жүрмін баруға... Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар