Өлең, жыр, ақындар

Досыңның көзін ұғарсың

  • 03.11.2021
  • 0
  • 0
  • 2453
Көп жұлдыз көкте Ай болмас,
Сәулесі жерге жетпейді.
Қалтқысыз серік қай жолдас,
Адал дос тастап кетпейді.
Сүрініп кеттің – құларсың,
Таяныш таптың – тұрарсың.
Дәрменсіз күнде дәл келген
Досыңның көзін ұғарсың.
Жүрсең де қандай жұмақта,
Түссең де қанша сынаққа,
Досы жоқ өмір жұтпен тең,
Достықтың туын құлатпа,
Аңсаған сен де ұнарсың.
Ант еткен серттен жалт етсе,
Досыңның көзін ұғарсың.
Туыстың дос боп өтуі
Некен­саяқ, неғайбыл.
Туыс боп достың кетуін
Сыйластық заңы санай біл.
Тауға да биік шығарсың,
Жауыңды жеңіп тынарсың.
Ағайын сенбей тұрғанда,
Досыңның көзін ұғарсың.



Пікірлер (0)

Пікір қалдырыңыз

Құрдасқа

  • 0
  • 0

Нұрғожа, қадірменді құрдасымсың,
Сыр шертсем ескі шерім бір басылсын.
Біз туған отыз екінші жыл апат еді­ау,
Аштықтан аман қалған бір ғасырсың.

Толық

Бурабайдың қара нары екенсің

  • 0
  • 0

Ескісі өтіп,
Қанат жайса тың ғасыр,
Қайырлы інім,
Елді емдегіш мырзасың.

Толық

Өмір - өлең (аударма)

  • 0
  • 0

Сөзі: Мухаммед Алидікі
Аудармасы: Кәкімбек Салықовтікі
Өлең жазсам өмірім өңденеді,
Жарылқайды, жақсы жыр дем береді.

Толық

Қарап көріңіз