Өлең, жыр, ақындар

Қызылжар

  • 03.11.2021
  • 0
  • 0
  • 1604
Ақ қайың елі жайдары,
Сарыарқа алтын айдары.
Абылай ақ үй орнатқан,
Қазақтың ғажап аймағы.
Әнші де ақын ғұрпыңнан,
Көркіңе терең сыр тұнған.
«Гауһартас» сенсің құлпырған,
Қыраны елдің – Қызылжар,
Жұмағы жердің – Қызылжар.
Орман, көл толы айналаң,
«Гәккулі» өлкем жайнаған.
Сандуғаш сайда үніне
Інжу мен маржан байлаған.
Мағжандай қайсар жаралған,
Ұлдары арыс сан алуан.
Атадан мирас нәр алған,
Қыраны елдің – Қызылжар,
Жұмағы жердің – Қызылжар.
Аққұба туған үлбіреп,
Гүлден де сұлу гүлдірек.
Ұлпанға тартқан ұлтжанды,
Қыздары шымқай Қыз Жібек.
Анамдай жылы жүрегі,
Есілдей көпшіл тілегі.
Достықтың берік тірегі,
Қыраны елдің – Қызылжар,
Жұмағы жердің – Қызылжар.



Пікірлер (0)

Пікір қалдырыңыз

Мағжанның бір өлеңі

  • 0
  • 0

Үлкен өлең көңіл толар көлемі,
Мағжан аға «Сағындым» атты өлеңі.
Абақтыда Алла сыбыр еткендей,
Бой тастапты бостандықтың елеңі.

Толық

Ашық сыр

  • 0
  • 0

Өту қиын бұл фәниден жасқанбай,
Әу дегенше тиер басқа тас қандай?!
Ерте кетті Сегіз сері өмірден,
Бар күйігін сұм қара жер басқандай.

Толық

Бір кездестім

  • 0
  • 0

Бір кездестім
Кездесуді Ай мен Жұлдыз қолдайды,
Құтты күнде кездестірді жол жайлы,
Кәкімбек Салықов

Толық

Қарап көріңіз