Өлең, жыр, ақындар

Сақтай білді мақтай үлкен ғұрыпты

  • 03.11.2021
  • 0
  • 0
  • 641
Индиражан,
Атаң Мақтай – бауырым,
Ауылы сүйді,
Қазақ сүйді нар ұлын.
Әжең Түкеш аттанғанда бақиға,
Ол кешті ғой дүние бұлдыр сағымын.
Зор қайғысын бүкіл қазақ бөлісті,
Дос­жарандар көздің жасын төгісті.
Алматыдан Астанаға көшкенде,
Жаңа орында сен бастадың өрісті.
Астана да құлаш жайды асылға,
Қызықпады ол сонда қызыл­жасылға.
Ауыр күнде еш жалғыздық білгізбес,
Қорған болдың жан атаңның қасында.
Сақтай білді досым үлкен ғұрыпты,
Жанарыңның жарқылынан тынықты.
Күлім қағып сен жүргенде қасында,
Асау тағдыр ауыр мұңын ұмытты.
Енді бүгін сен ұшасың ұяңа,
Өзге ұрпағы жүр ғой сәтті қияда.
Атаң үшін сен әкелген қуаныш
Құшағына оңайлықпен сыя ма?!
Кетті бүгін Есіл­Көкше үнденіп,
Құттықтаймыз құшақ­құшақ гүл беріп.
Ақ бата сол –
Жан қосағың қасыңда,
Махаббаты сөнбес болсын шын серік.
Қос жүректі мәңгі жайлап ғашықтық,
Нұр әкелсін жас отауға асылдық.
Домбыраның қос ішегіндей үйлескен,
Бастарыңа бақыт қонсын ғасырлық!



Пікірлер (0)

Пікір қалдырыңыз

Шаттық селі

  • 0
  • 0

Тәуелсіз күнім түзеп қаталықты,
Елбасы Абылай ханнан бата алыпты.
Кешегі «Щучинский» деген аудан
Бурабай ауданы боп аталыпты.

Толық

Ол ұқсады Абайдың бір ұлына

  • 0
  • 0

Қара бастың қамын ойлап нығырлап,
Иван Грозный сияқты елді сығымдап,
Сталин де өтті қырғын орнатып,
Демократияны Бериямен тығындап.

Толық

Нашар досқа басымды көп шайқадым

  • 0
  • 0

Нашар досқа басымды көп шайқадым
Көзге өтірік мақтайды.
Кей жігітті тыңдап көп сыр байқадым,
Кәкімбек Салықов

Толық

Қарап көріңіз