Кәкімбек Салықов

Бурабайдың қара нары екенсің

Бұл бетте «Бурабайдың қара нары екенсің» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.11.2021
0
0
770

(Қайырлы Құрмановқа)

Ескісі өтіп,
Қанат жайса тың ғасыр,
Қайырлы інім,
Елді емдегіш мырзасың.
Сарыарқаның ақ халатты алыбы,
Оқжетпестей арда, кербез тұлғасың.
Сал табиғат асыл досы, үмітсің,
Айнакөлге ажар берген жігітсің.
Қайырымды мінезіңмен мейірбан,
Көкшетаудай көз тойдырар биіксің.
Теңеу гүлін терсем таңсық не түрлі,
Саған лайық өлең гүлшоқ жетілді.
Не десем де көрінесің көзіме
Тірі жүрген Жекебатыр секілді.
Келбетіңнен есіп тұрса жылылық,
Көрген адам қалады бір жылынып.
Мен қуандым Абылай ханның аруағы
Желепжебеп жүргендігін ұғынып.
Сен Мағжандай өжет, қайсар, бекемсің,
Әлі талай армандарға жетерсің.
Буырқанған қарағай, қайың ішінде
Бурабайдың қара нары екенсің.

25.07.2009.
Бурабай

Кәкімбек Салықов бурабайдың қара нары екенсің Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар