Өлең, жыр, ақындар

Романс

  • 04.11.2021
  • 0
  • 0
  • 905
Билейді ерке қуаныш
Аңсаған сені шағымда.
Жақындап арман тым алыс,
Сайрайды бұлбұл бағымда.
Үміт пен сезім бірыңғай
Кездесу күтіп қинайды.
Шұрқырап тентек құлындай,
Жүрегім қатты тулайды.
Зіл артпай таза көңілге,
Жарылсам бүгін ағынан:
Көңілім қалып өмірге,
Қиналған сәтте сағынам.
Сөзіңнен мәңгі жатталар,
Үзбедім көңіл елеңін.
«Сабақты ине сәт табар»
Дегенге берік сенемін.
Кездестің қуат бергендей,
Үзіле жаздап жалғандым.
Пейіштің қызын көргендей,
Көркіңе қатты таңдандым.
Рахат, ләззат татымы
Елжіретсе жан шеккен,
Алғыс алдым ақыры
Жанарыңнан жарқ еткен.

2009



Пікірлер (0)

Пікір қалдырыңыз

Шексіздік

  • 0
  • 0

Мұнары шексіз
Тұманы кетпес даланың,
Қиялы шексіз
Зиялы туған дананың.

Толық

Мақтаналық

  • 0
  • 0

Сөзі ғибрат тараған хатта қалып,
Асыл аз ба әспеттер жаттап алып?
Ілиястай Сәкенді қатар жүріп,
Шын сүйсініп, сыйлауға сәт табалық.

Толық

Ағалық ақ тілегім

  • 0
  • 0

Ағалық ақ тілегім
Кәкімбек Салықов
(Марат Кенжеғозинге)
Мақтау күтпе бүгін менен, Маратым,

Толық