Өлең, жыр, ақындар

Тағдырым, ғұмыр берме алаңсыз ғып

  • 04.11.2021
  • 0
  • 0
  • 676
Тағдырым, ғұмыр берме алаңсыз ғып,
Сөздің де дәмін ашар табам тұздық.
Әкемді ақ бесікте жұтсам­дағы,
Етпеймін ешқашан да саған құлдық.
Кен қазсам – тозған елге таптым азық,
Жыр жазсам – келем ата салтын жазып.
Төрт бөліп түн ұйқымды толғанамын,
Тебірентіп Абай қаққан алтын қазық.
Бастай бер жақсы күнге, өмір­арман,
Болмасын сенгенімнің көбі жалған.
Молайсын ортайғаным деп тілеймін
Тайғақ жол, тар кезеңде төгіп алған.
Қара су, тұнып жатқан сырға баймын,
Әр асу биігіне тың қараймын.
Аралдың айқасында атой салсам,
Төгілткен маңдай терін бұлдамаймын.
Беріпсің шексіз етіп маған мұңды,
Мұңымнан жыр желісін табам құнды.
Сүрінсем – ол өзімнің қателігім,
Артпаймын ешқашан да саған сынды.

09.01.2010.
Астана



Пікірлер (0)

Пікір қалдырыңыз

Шөберемді «Бәйтерекке» апардым

  • 0
  • 0

Мен де биыл үлкен ата атандым,
Бірі болдым өркені өскен қатардың.
Жетпіс беске келген шақта бұйырып,
Шөберемнің қолынан су тата алдым.

Толық

Домбырамен сырласу

  • 0
  • 0

Домбырамен сырласу
Кәкімбек Салықов
Кел, домбыра, екеуміз
Сырласайық тағы да.

Толық

Қос жүректің мекені

  • 0
  • 0

Шоқан басқан асыл ізден нәр алдым,
Ақан сері әнін жаттап таралдым.
Құлагер жортқан құба жонда ізі бар,
Аққулы елде, «Гәккулі» елде жаралдым.

Толық

Қарап көріңіз