Өлең, жыр, ақындар

Шақырмаймын құшағымды жайып бір

  • 06.11.2021
  • 0
  • 0
  • 724
Шақырмаймын құшағымды жайып бір,
«Дертің» болса, өзіңді одан айықтыр.
Қол созсақ та, менімен сен өте алмас
Арамызда уақыт деген Жайық тұр...
Нәзік айың сапар шеккен түн қатып,
Ақ сәулесін түсірместен шыңға түк.
Уақытқа қарсы жүзіп кетпеші,
Дарияның тереңіне шым батып.
Көкірегімнен көзін ашып көл жұмбақ,
Қиялымды әкетеді сол күнге ап.
Шағаланың қанаттары шақырсын,
Ақ Жайықтың аспанынан қол бұлғап.
Жаныма бұл алыс әрі жақынсың,
Арамызда қамалға ұқсап жатыр шың.
Ойнақтаған сенің отты көздерің
Көңіліме көктемді бір шақырсын.
Атай көрме мені бақыт құсы деп,
Көрер көзге сыртым салқын, ішім от.
Ақ Жайықтың жалын құшам, келгендей
Төлегеннің ақ боз аты кісінеп...
Сезем бәрін, бұдан әрі бармайық,
Арнасынан асса көңіл бар ма айып.
Жылап ағып жерге жауып жатқандай
Сағыныштың жапырақтары сарғайып.



Пікірлер (0)

Пікір қалдырыңыз

Арман жел, орман-шалғын иіріп қыр

  • 0
  • 0

Арман жел, орман-шалғын иіріп қыр,
Кешкі бұлт қанатына күй іліп тұр.
Аспандай күмбірлеген домбырадан
Жатқандай жер кеудеме құйылып сыр.

Толық

Сәкен аға

  • 0
  • 0

Біз үшін ертегідей ғажап атың,
Таңырқап қаншама ақын жаза алатын.
Жарасар қалай айтып мақтансақ та,
Қазақтың бір өзіңдей азаматын.

Толық

Бар менің бір жүрегім, бір-ақ тілім

  • 0
  • 0

Бар менің бір жүрегім, бір-ақ тілім,
Тілімді кімнен алам, сұрап бүгін?
Үйренгем оны анамның құрсағында,
Сол үшін өзгермеймін, тұрақтымын.

Толық