Қанипа Бұғыбаева

Ұнап жүріп, қалдың маған ұнамай

Бұл бетте «Ұнап жүріп, қалдың маған ұнамай» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

06.11.2021
0
0
1066

Ұнап жүріп, қалдың маған ұнамай,
Сыр алдырдың сынға неге шыдамай.
Жүректегі қиын сөзді қалайша
Тіліңменен айтып қойдың тым оңай?..
Ұнап жүріп, ұнамадың сен маған,
Сен емессің мені алғашқы алдаған.
Жаттап алып ыстық сөзді айтқанмен,
Сүйе алмайды салқын жүрек жанбаған.
Сүйе алмайды салқын жүрек жанбаған,
Ұсынба отсыз жүрегіңді сен маған.
Екеуміздің екі басқа жолымыз
Өмірдегі, көңілдегі таңдаған.
Мен сүйемін сүйсем жүрек өртімен,
Жолдары ауыр азабымен, дертімен.
Алдап-арбап, қорыққаннан емес бір,
Шын ғашықтық тумай ма өз еркімен.
Көңілімді қойдың лезде-ақ қалдырып,
Сөніп қалды кешке жетпей таңғы үміт.
Көрінетін еді ғашық көзіме
Дүниенің бәрі өзгеріп, жаңғырып...

Қанипа Бұғыбаева ұнап жүріп қалдың маған ұнамай Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар