Тәтті сөзден, қайсы менің ұтқаным

Бұл бетте «Тәтті сөзден, қайсы менің ұтқаным» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.11.2021
  • 0
  • 0
  • 541
Тәтті сөзден, қайсы менің ұтқаным,
Айрық жолда қалдым, қаңғып, бітті әлім.
Әппақ нанды шайнап салып аузына,
Қол соқтық қой, тамашалап жұтқанын...
Біліп бәрін,
Ауырды ғой бұл жүрек,
Ауырды ғой, айнала жер, күн жүдеп.
Жат пиғылдың сойылына айналып,
Өзімізді өз қолымыз ұрды кеп.
Солай дала тері болды илесең,
(Жан дауысым шықпас, бұлай, күймесем)
Бәйтеректі ұясынан өзінің,
Құлап қалған балапандай күй кешем...
Шуағы мол, туар қашан күнім, ақ,
Діні қатты, жұмсақ болмас, тілі ұнап.
Тағдырымды көкпар етіп тартқандай,
Қанатты мен, тұмсықтылар іліп ап.
Жаным менің, жолбарыстай жаралы,
(Адамзаттың ашылды ғой араны)
Бал екен деп, ішкен уым байқамай,
Барған сайын ішімді өртеп барады...
Қыл көпірдің үстіндегі төзім сын,
Төзімменен үміт құсым көз ілсін.
Өз тіліңде сөйле балам, «өзге жұрт» –
Өзге жерде жүргендігін сезінсін...


Пікірлер (0)

Пікір қалдырыңыз

Жиі қойылатын сұрақтар

Тәтті сөзден, қайсы менің ұтқаным өлеңінің авторы кім?

Қанипа Бұғыбаева — осы өлеңнің авторы.

Тәтті сөзден, қайсы менің ұтқаным өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Тәтті сөзден, қайсы менің ұтқаным өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Тәтті сөзден, қайсы менің ұтқаным өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері