Қанипа Бұғыбаева

Соңғы сөз

Бұл бетте «Соңғы сөз» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.11.2021
0
0
798

Айта алмай жүрген ойым бар,
Байқалмай жүрген «тойым» бар.
Қалғысам, ата-анамның,
Қасына мені қойыңдар.
Жалғасып кешке таңғы үміт,
Жұлдызын жырдың жандырып.
Әлдилеп Ақсу толқыны
Тербетіп ақсын мәңгілік.
Көк белден көктем бүлкілдеп,
Аспанның еміп бұлтын көп.
Үстіме өскен бәйшешек –
Сыбырлап тұрсын «бұл кім?» деп...
Басымда жансын шам, үміт,
Сарғайған гүлдей сағынып.
Қалғысам, туған жерімді –
Жатайын үнсіз жамылып.
Өткелден өттім мен қанша,
Таңданар, досым таңданса.
Жүрегім тыныш, тынықсын –
Оянып жырым алғанша.
Күнім бар, көрер айым бар,
Тағдырым нені дайындар.
Жарықтан, «бақи» - мекенге –
Қайта алмай жүрген жайым бар...
Айта алмай жүрген ойым бар...
«Жете алмай қалсам Ақсуға»,
Қазақ үй тігіп қойыңдар!..

Қанипа Бұғыбаева соңғы сөз Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар