Өлең, жыр, ақындар

Құс жолы

  • 08.11.2021
  • 0
  • 0
  • 860
Нені алып, не береді келер күн,
Жұлдыз санап, қиялдауға шебермін.
Көрінеді аспандағы құс жолы
Түнде жазған жолындай боп өлеңнің.
Биіктерде бар сияқты бір екпін,
Бір екпінмен алыс қарап, дір еттім.
Сызылған сол аппақ арман, құс жолы –
Жолдарына ұқсайды екен жүректің.
Әлде қиял жарқылы ма ұзарған,
Әлде, күннің жалқыны ма қызарған?
Таңғы аспанға тастап жібек белбеуін
Құс жолымен қалқыды ма, қыз арман?..
Тірліктің көп ұмытып той, дүрмегін,
Оңаша ойдан үміт отын үрледім.
Көптен бері көңілдердің көгіне
Құс жолын бір тартқым келіп жүр менің.
Сезінемін даралығын әр айдың,
Алаулаған жолағындай арайдың.
Құстың жолы сағыныштың жолындай
Көк-аспанға көзімді алмай қараймын.
Елегізем, жоғымды іздеп тапқандай,
Көк қойнына құлап ұшқан ақ таңдай.
Сусылдаған қанаттары құстардың
Күміс көпір тартып бара жатқандай.
Арманменен айналуда түске өңім,
(Құс жолымен бірге ілесіп ұш, көңіл)
Бір-біріне жетпей қалған ғашықтар
Тартып бара жатыр көкке құс жолын.
Күн күркіреп, түнермесін ай налып,
Жатпасын жер қабағына қайғы алып.
Атом емес, ақ жолақты аспаным
Тұрсын бейбіт құс жолына айналып.



Пікірлер (0)

Пікір қалдырыңыз

Тірілгенін көрсең ғой тал-құрақтың

  • 0
  • 0

Тірілгенін көрсең ғой тал-құрақтың,
Жүгіргенін көрсең ғой бал-бұлақтың.
Таңымды алып келеді тау басынан
Жарқ-жұрқ етіп алтын жал арғымақ күн!

Толық

Мінезіңді құбылған пенде білмей

  • 0
  • 0

Мінезіңді құбылған пенде білмей,
Көңілің құм даланың шөлдеріндей.
Айтшы, жаным, көшеден көп ішінен
Күрсіндің бе, көзіңе мен көрінбей...

Толық

Ақ шапанын қайтер екен тау енді

  • 0
  • 0

Ақ шапанын қайтер екен тау енді,
Көшпелі бұлт кернеп кетті әуемді.
Тамылжытты көктем құсы тамшыдай
Мен айтсам-ау деген сыршыл әуенді.

Толық