Қанипа Бұғыбаева

Ақ жүзімде... Тұр таңбалы бар мұңым

Бұл бетте «Ақ жүзімде... Тұр таңбалы бар мұңым» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

08.11.2021
0
0
495

Ақ жүзімде... Тұр таңбалы бар мұңым,
/Мінезіме айналғандай арлы ұғым./
Жамандайтын... Жол тауып «ол» әйтеуір,
Мен ұнатқан жігіттердің барлығын...
Өмір-теңіз... жүздім болып «ақ балық»,
Сырымды сол, сыртқа қайтем, ақтарып?
Көзім түскен жігіттердің бәрі де,
Кетті асығып... о дүниеге аттанып.
Алдансам мен, сұлулыққа алдандым,
Жалғандығын білмей, мынау жалғанның.
Ескерткіштей, сол күндерді еске алып
Өшкен шоқтай орынында Мен қалдым.
Өткен уақыт... оттарымды тонаған,
Қайда ұшсаң да... арман құсым, бол аман.
Нені сезіп, нені білді? бұл күнде,
Сені маған жамандайды «Сол адам»...

Қанипа Бұғыбаева ақ жүзімде... тұр таңбалы бар мұңым Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар