Өлең, жыр, ақындар

Бейбітшілік – мен жұтатын таза ауа

  • 08.11.2021
  • 0
  • 0
  • 599
Бейбітшілік – мен жұтатын таза ауа,
Бейбітшілік – жас сәби мен әз ана.
Кім жылатса осыларды, сен соны –
Ей, уақыт, жазала!..
Бейбітшілік – үлбіреген аппақ гүл,
Аяламай, кетпек оны таптап кім.
Жылайтындай кейбір шақта бұлттанып,
Өлгендерді жоқтап күн.
Бейбітшілік – әнім менің табынар,
Әні бардың атар алау таңы бар.
Айтсам ашық мынау жердің бетінде –
Ол бар болса бәрі бар!
Бейбітшілік – бұлақ күлкім, көңілім,
Туған жердің тіліп аққан өңірін.
Бір сабақта тұрған жырлап, үзілмей
Жапырақтай өмірім…
Бейбітшілік – мен сүйетін бұл күнгі ән,
Көкірегімде толқындайын бұлқынған.
Бейбітшілік деген сөзбен Отаным –
Егіз ұлдай бір туған!..



Пікірлер (0)

Пікір қалдырыңыз

Жайдары Жетісудың атса таңы

  • 0
  • 0

Жайдары Жетісудың атса таңы,
Жер жарып Жетісудың жатса атағы.
Ол сенің шапағатың деп білемін,
Жез таңдай жырдың жүйрік ақсақалы!

Толық

Сен мені сағындың ба?

  • 0
  • 0

Ағарып таң келе жатқанда,
Оңаша тіл қатып,
Толқып бір бақтарға.
Батып сәт жаның мұңға,

Толық

Әсемсің, сәл нәрсеге елеңдесең

  • 0
  • 0

Әсемсің, сәл нәрсеге елеңдесең,
Көріксіз болсаң көзге еленбес ең.
Шебер қол табиғаттың өзі жазған
Ұқсайсың керемет бір өлеңге сен.

Толық

Қарап көріңіз