Өлең, жыр, ақындар

Жолаушыдай жас дәурен желіп өткен

  • 08.11.2021
  • 0
  • 0
  • 647
Жолаушыдай жас дәурен желіп өткен,
Алдағысын үмітке сенім еткен.
Кездейсоқ келген басқа қуаныштан,
Қайғым артық кеудемді еңіреткен...
Өзімді-өзім қайтемін алдандырып,
Жимиғанға жылтырап, жалған күліп.
Ол менің табиғатым, суып-сүйсем,
Жаныма табындырып, таңдандырып...
Жүрегімді жүдетсе азалы үндер,
Бауырымды өзіңе жазамын жер.
Ортақ етпей біреудің ұжмағына,
Тірлігімнің, тағдырым, тозағын бер.
Құлазыған көңілдің тұнжыр айын,
Қозғап алға мен неге жылжымайын.
Ұнамасам өзгеге ұнамайын,
Тек әйтеуір шын күліп, шын жылайын.



Пікірлер (0)

Пікір қалдырыңыз

Қылышты адам

  • 0
  • 0

Тағдырымен елімнің туыс далам,
Қабатында ғасырдың тыныстаған,
Түртіп қалсаң әр сайдан, әр төбеден
Түрегеліп кетердей қылышты адам.

Толық

Шопанға

  • 0
  • 0

Шаңырақтай көрінген мынау аспан,
Шертеді шопан жайлы мұра-дастан.
Тұлғаңнан көрем анық хас батырды,
Қабағынан мұз еріп, қырау басқан.

Толық

Жеңіс жыры

  • 0
  • 0

Онда мен үш жастамын,
Ол бір күн сендерге аян, тұстастарым.
Аңыраған әнімен аналардың,
Аударылып қанша рет түсті аспаным!

Толық