Ұлылардың Ордасы – BibinurMadiyar

Әлихан, Ахмет пенен Жақыптың,
Сәкендер ізін басқан жақұттың.
Ендігіде кезек бізді күтуде
Жету үшін биігіне бақыттың.
Бар тілеуі тыныш ғұмыр қазаққа,
Шыдап келді небір түрлі азапқа.
Есімдерін қарайтқысы келгендер
Өмірлерін айналдырды тозаққа.
Дәл осындай қиындықта жойылмай,
Төтеп берді, қорқынышқа бой ұрмай.
Елге деген сезімдері соншалық
Шыдай берді, мақсаттарын қайырмай.
Алғыс айту іске жатар болмашы,
Дей тұрғанмен, жастар мені қолдашы.
Себебі біз – «Алаштардың» ұрпағы
Жасай берсін ұлылардың Ордасы.