Қалампыр Кенжеғалиева

Ағажан – жалғыз бауыр

Бұл бетте «Ағажан – жалғыз бауыр» атты Қалампыр Кенжеғалиева жазған бауыр туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

31.12.2021
0
0
1139

Бір жазмыштың жазуы болар, сірә,
Бұйырғаны алшақтау мекен-тұрақ.
Бірге тумақ болғанмен, бірге өлмек жоқ,
Жүретінім ол ырас, жалғызсырап.
Ағатайым, ағажан, жалғыз бауыр
Тай-құлындай бірге өскен қатар шауып.
Аға берген тағдырыма ризамын,
Бір тәңірден сұраймын аман-саулық.
Дастарханым ортаймас, тәңір жазса,
Достарым да сейілмес пейіл барда.
Топты жанның ішінен жәутең қағып
Сағынатын өзіңді құйттай жүрек болмаса!
Ағатайым, аңсатқан жалғыз бауыр,
Сағындырмай, оралып жүрмейсің бе?
Шаңырағы әкенің - туып-өскен мекенің
Ұмытпашы, ағажан, жайлы жұмақ екенін!!!

Қалампыр Кенжеғалиева ағажан – жалғыз бауыр Қалампыр Кенжеғалиева өлеңдері

Пікірлер (0)

Пікір қалдырыңыз

Жиі қойылатын сұрақтар