Қолтаңба – Шәмшия Жұбатова

Бұл бетте «Қолтаңба» атты Шәмшия Жұбатова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 05.01.2022
  • 0
  • 0
  • 1209
Тірлікке кімдер келіп, кім кетпеген,
Жанбысың жүрегіңді күн кептеген?
Кеудеңді жейде қылып желге жай да,
Түймеле алтындаған ілгекпенен.
Келер күн, атқан таңда тілегің бар,
Өзіңнің үмітіңді білемін бе әр?
Тұрғанда ару көктем әз ниетті
Баспасын адамзаттың жүрегін қар.
Мен саған жыр тілейін, нұр тілейін,
Ренжімес ертеңгінің жұрты кейін.
Қауым жұрт қалам беріп, қол созғанда,
Қалайша тоқталайын, іркілейін?
Қолтаңба бекітеді босағаны,
Шаңырақ өз шаттығын тоса ма әлі?
Бір дауыс естуге ылғи ұмтылады
Шамдары жыпырлаған көш алаңы.
Тербелсін балдай сәби бесігіңде,
Береке-ырзық болсын несібіңде.
Данагөй қарттар бекер айтқан емес
Тамаша бақыт бар деп осы күнде.
Жөн болмас қымтырылып, қысылғаның,
Жақсы еді көп ішінде ысылғаның.
Мазасыз жүрегімнің дүрсілі ғой,
Сізге деп қолтаңбамды ұсынғаным.
Қолтаңбам жүрегімнің дүрсілі еді,
Күледі ол, қуанады, күрсінеді.
Сайрауық сандуғашын есіне алып,
Сағынып бір кездері жүрсін елі.


Пікірлер (0)

Пікір қалдырыңыз

Жиі қойылатын сұрақтар

Қолтаңба өлеңінің авторы кім?

Шәмшия Жұбатова — осы өлеңнің авторы.

Қолтаңба өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қолтаңба өлеңі не туралы?

Бұл өлеңде Шәмшия Жұбатова өз ойы мен сезімін көркем түрде жеткізеді.

Қолтаңба өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері