Өлең, жыр, ақындар

Барады қайран Уақыт жылдам ұшып

  • 13.01.2022
  • 0
  • 0
  • 1158
Барады қайран Уақыт жылдам ұшып,
Уыстап көк теңізді тұрған ішіп.
Өзгеге өз дауысын жеткізе алмай,
Шындықтың жақ сүйегі тұр қарысып.
Жеткізбес сен қайдасың, жүрдек әлем,
Қиындық тұр қадымды күрмеп әрең.
Жамағат жалау қылды жалғандықты,
Шындықты аңсап жүрген бір ғана мен.
Жалынға жалын керек маздау үшін,
Өзіме жетпей қойды өз дауысым.
Жалғандық шындықпын деп шыңғырғанда,
Шыдамның сынып кете жаздауы шын.
Шындық, рас, қараңғыда жүрдім дері,
Жарқ етіп шығар ол да бір күндері.
Жабайы жабыларға шаң қаптырар
Дүбірлі дүниенің дүлдүлдері.



Пікірлер (0)

Пікір қалдырыңыз

Түн өтті. Тағы да бір таң атты аман

  • 0
  • 0

Түн өтті. Тағы да бір таң атты аман,
Құлпырды күн астында жанат ғалам.
Ақ бауыр қарлығаштың қанатымен
Қалықтап барады ұшып алаптағы ән.

Толық

Тізбегі құстың ғажап ұшқанда

  • 0
  • 0

Тізбегі құстың ғажап ұшқанда,
Жетеді сыңсып сазы алыстан да.
Көмкеріп бидай кең дала төсін,
Қараша келді Қазақстанға.

Толық

Ішінен көрем бе деп топ қараның

  • 0
  • 0

Ішінен көрем бе деп топ қараның,
Көзімді көлегейлеп көп қарадым.
Сырымды айға айтамын айғайлаумен,
Жанымды жұлдыздарға ақтарамын.

Толық

Қарап көріңіз