Алғашқы мұғалім – Қатира Жәленова

Бұл бетте «Алғашқы мұғалім» атты Қатира Жәленова жазған ұстаз туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 17.01.2022
  • 0
  • 0
  • 888
Бастау алып білімнен тұма-жырым,
Сыңғыр-сыңғыр шығарып бұлақ үнін,
Шөлін басса халқымның,
Сізге алдымен
Қарыздармын,
Алғашқы мұғалімім!
Үмітімнің жағылып шырағы мың,
Көңілімнің көгінен шығады күн.
Сәулеленсе ой-санам,
Сізге алдымен
Қарыздармын,
Алғашқы мұғалімім!
Сіз арқылы
Танысып тұңғыш тілмен,
Таң нұрына құмартып,
Күн құштым мен.
Сіз арқылы сезіндім
Тұңғыш рет
Өн-бойыма біткенін бір күштің мен.
Өмір – өзен.
Ілесіп қатты ағысқа,
Арман-құсым
Қанатын қақты алысқа.
Жүрегімнен
Жалын жыр төксем дедім,
Қол соғатын
Сүйініп жат, таныс та...
Мұратыма жеттім бе,
Жетпедім бе?
Жалын жырлар төктім бе,
Төкпедім бе?
Қалдым ба әлде аса алмай
Өз мұңымнан,
Замананың сын-асу өткелінде?..
Төрелігін өзі айтар бүгін елім,
Сосын әділ қазымның бірі менің –
Өзіңіз ғой,
Ұстазым,
Сізге алдымен
Сын сағаты соққанда жүгінемін.
Уақыт заңы...
Мүмкін бе бағынбауым?!
Қалды тәтті сағыныш,
Жанымда мұң.
Сізді көріп жанарға жас іріксем,
Балалық шақтарымды сағынғаным...
Бұл күндері толассыз ағын жаным,
Барым менің халқыма –
Жаным да, арым.
Аяулы ұстаз,
Өзіңе жыр арнасам,
Шәкірттік күндерімді сағынғаным...


Пікірлер (0)

Пікір қалдырыңыз

Жиі қойылатын сұрақтар

Алғашқы мұғалім өлеңінің авторы кім?

Қатира Жәленова — осы өлеңнің авторы.

Алғашқы мұғалім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Алғашқы мұғалім өлеңі не туралы?

Бұл шығарма ұстаз туралы өлең ретінде танымал. Өлеңде автор өз ойын көркем түрде жеткізеді.

Алғашқы мұғалім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері