Өлең, жыр, ақындар

Көктерек жыры

  • 18.01.2022
  • 0
  • 0
  • 595
Көктеректен көшкен сағым кеудемде,
Көктеректе өшкен шағым кеудемде.
Құлап сөнген жасын сынды көлдерге,
Тулап түскен жәйін сынды шөлдерге.
Мына өмір тас қараңғы көрден де,
Біз баратын өлгенде...
Аттап өтіп сан ақиқат белінен,
Дәл осылай бастамағам оны мен.
Құлазыған құба жолға қарсы ұшып,
Соңыма бір қарап кете беріп ем...
Жанарымда соңғы жапырақ қалды ұшып,
Өмір мені сарқып тұрып алды ішіп!
Сапарымды жалғастыра бергенмін,
Әжемді еске ап өлген кеше қан құсып.
Жібермеген топырақтың дәмі оны,
Жібермеген жалғыз тамшы қан оны.
Көлеңкеме ғана сеніп мен кеткем,
Бір басымда бүкіл дүние әлегі.
Серіліктаудың сұлбасы қап санамда,
Шартарапқа сүйрей қашты вагондар.
Мен әлі де жеңе алғам жоқ өмірді,
Мені әлі де түсінген жоқ адамдар!
...Көктеректен көшкен сағым басымда,
Көктеректе өшкен шағым ғасырда.
Ал рухым саған ұшып кетіпті,
Тағдырымды тастап жауын-шашынға.
Сонау-у- у бір кез, жиырма екі жасымда...

11. 11. 2002 ж.



Пікірлер (0)

Пікір қалдырыңыз

Қанаты күйген Самрұқ құс туралы жыр

  • 0
  • 0

Сонау-у-у шаңдақ ғасырлардың бірінде,
Қарт Алтайдың қарлы шыңы түбінде.
Бір Айдаһар мекендепті күн бетін,
Таң қызарса жатады екен інінде.

Толық

Боз жусан элегиясы

  • 0
  • 0

Саған арнап бүгін тағы жаздым жыр,
Жүрегімде қалған көне қанменен.
Өзің жаққа бұрылардай бар денем,
Өзің жақта қалғандай боп әлденем.

Толық

Сүрлеу

  • 0
  • 0

Бұл сүрлеу тым ескі...
Жүрмеші, Жан - Гүлім,
Күтпе одан сәуірдің самалын, жаңбырын.
Бұл сүрлеу тым ескі, есінде ешкім жоқ,

Толық

Қарап көріңіз