Ұларбек Дәлейұлы

Түнерген мен емес, аспан

Қазақша өлең мәтіні, өлең жолдары және толық нұсқасы.

22.01.2022
0
0
873

Түнерген мен емес, аспан,
Жас төккен мен емес һәм.
Жанарын зілдей түн басқан,
Мен емес ауырған,
Жан...
Тәңірі-ау,
Табармын қайдан,
Табылмас сол мендік мұрат.
Табылмас жерден де, айдан,
Жүр екен қай тұста жылап?
О, қайда?
Қайдасың мұңлық?
Сол ма еді алатын сауғам.
Кешкілік жаңбырда жым-жырт,
Мүлгиді шөп басқан аулам...
Сол ескі ғасырлар көрген,
Ол жақты тамұқ па дедім.
Таңылар төсекке, шерге,
Мәжнүн боп жарытпап едім...
Сен жетем дегенше:
Орманымды мүк басып кетті,
Ауламды шық басып кетті.
Даламды шөл басып кетті,
Жанымды шер басып кетті...

06. 06. 2014

Ұларбек Дәлейұлы түнерген мен емес аспан Ұларбек Дәлейұлы өлеңдері

Пікірлер (0)

Пікір қалдырыңыз

Жиі қойылатын сұрақтар