Ұларбек Дәлейұлы

Түнмен сырласу

Бұл бетте «Түнмен сырласу» атты Ұларбек Дәлейұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.01.2022
0
0
1137

Түн келді,
Тереземді тұмшалады,
Аулақта, алыс тұр бір таң әлі.
Таңдайымды қаңсытқан тәтті жырдың,
Тартылып тұр алдымда құр табағы.
Түн қонды,
Тымпиған шал – тау басына,
Құлақ түрем сыбдырға, болмашыға.
Ай дейтұғын жанары жансызданған,
Қарай берем жарымжан жолдасыма.
Түн келді,
Тәтті шағын кімге берді?
Мен тұрмын жоғалтқандай бірдеңемді.
Сырлы өмірдің сыртынан бұғып барып,
Бастап кеп жіберер ме ем дүрбелеңді.
Түн жайды,
Жан-жағыма жаялығын,
Туған ел, алаңсыз бол,
Ояу ұлың!
Дүрбелең салмақ тұр ғой,
Тілемеймін,
Сәбилердің ұйқыдан оянуын.
Сәбилер!!
Болашақтың солдаты олар,
Тыныштығы жоғалса зорға табар.
Қорғаймын мен ажалдан
Қиын қылса,
Бодауына маған кеп таңба салар!!!

27. 03. 2001ж

Ұларбек Дәлейұлы түнмен сырласу Ұларбек Дәлейұлы өлеңдері

Пікірлер (0)

Пікір қалдырыңыз

Жиі қойылатын сұрақтар