Өлең, жыр, ақындар

Ертегі

  • 22.01.2022
  • 0
  • 0
  • 987
Фариза Оңғарсыноваға

Қара Аспанның Өң мен Түсі түйіскен
Шұғыласында
Періштелер сүйіскен.
Тіршілікті жарататын (тыныстан!)
Сана - сондай!…
Жапырағы – алтын, күміс Тал
Со жерде екен баяғыдан!…
Бүгін де
Түндей терең Тұма-Көз бар түбінде.
Әлгі Талдың
Еркек әрі ұрғашы
Тұма-Көзде
Дірілдеген сұлбасы
Ақыл аңқып, көңіл аңқып тұр гүлдеп!…
Оған жетсе, қияңқылдау, күлгіндеу
Қиял ғана жете алады.
Өзгесі
Опат болар, Обалменен кездесіп.
…Күндер де күн санадан тыс көштім де,
Қияңқылдау күлгін қиял кескінде
Мен де жеттім Тұма-Көзге!
Үңілдім,
Жұмбақ түрін көрмек болып ғұмырдың…
Тұма беті бір сурет жаратты:
Тарпаң едім… Адам екем қанатты!…
Қасақана сенбейтіндер сөзіме
Хас Ақынның үңілсе еді Көзіне…

Семей.
14 сәуір, 2004 ж.



Пікірлер (0)

Пікір қалдырыңыз

Біздің қоғам

  • 0
  • 1

Бізде, бас бар, ауыз бар, көтен бар...
Тіпті, қан да бар.
Бірақ, Жан жоқ.
Бізде сот бар, прокурор бар, полиция бар...

Толық

Шіркін-ай

  • 0
  • 0

Шіркін-ай, шексіз болса ғұмыр деген!..
көкшіл кеш, көбелектер күбірлеген.
Өзіңе жазар хатты бастай алмай,
отырмын иек сүйеп іңірге мен.

Толық

Көп ағайын мені, әттең, түсінбед

  • 0
  • 0

Көп ағайын мені, әттең, түсінбеді.
Қысым ба еді ол сонда, түсім бе еді?..
Өлөң үшін әбігер болды ма олар?
Бәрі де әлде өздері үшін бе еді?..

Толық

Қарап көріңіз