Ханбибі Есенқарақызы

Қазағымның базары тарқағалы

Бұл бетте «Қазағымның базары тарқағалы» атты Ханбибі Есенқарақызы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.01.2022
0
0
1708

Қазағымның базары тарқағалы,
Нәзік жаным ауыр мұң арқалады.
Махаббаты мерт болған – Қыз Жібектей,
Елестейді Жайықтың жарқабағы.

Қарсы емеспін нарықтың дамуына,
Көне көрпе көнбей тұр қабуына.
Әкімдер ме кінәлі, әлде халық,
Түйесі ме, қисығы, жабуы ма?

Жұртын тонап, қоғамды асағандар,
Ел дәулетін сімірген лас адамдар.
Неге жауап бермейді ел алдында,
Әлеуметтік қылмысты жасағандар?!

Бір шикілік бар-сынды осы арада,
Тәуелсіздік қалғандай босағада.
Қанжылатқан халықтың дұшпандары,
Бұқпантайлап жатқандай «Қособада»!..

Ханбибі Есенқарақызы қазағымның базары тарқағалы Ханбибі Есенқарақызы өлеңдері

Пікірлер (0)

Пікір қалдырыңыз

Жиі қойылатын сұрақтар