Өлең, жыр, ақындар

Дауыл құшағында

  • 28.01.2022
  • 0
  • 0
  • 1104
(аударма)

Қарлы боран әндетті,
қар инелер түйреді.
Денем мұздап, жан кетті
сені құшып сүйгелі.
Өптірдің де ерніңнен
«Қара,— дедің күлімдеп, -
ұмытқанша сен мүлдем
сүйгеніңді бүгін», - деп.
Осыны айтып нұсқадың
шексіз қарлы даланы.
Аяз шашып жанарың
тоңазытып барады.
Екеумізді бір екпін
лақтырды бір құрдымға,
ұшқын шашып түнек түн,
қар да билеп жүр мұнда.
Отты ұшқынмен жарысып
жапалақ қар самғады.
Көңіл көкпен табысып,
арман түнді жалғады.
Мені бірақ тұр басып
көк аспанның салмағы.
Суылдайды қар ұлып,
шыдар ма аспан бұл сынға,
жұлдыз біткен ағылып
құлап жатыр тылсымға.
Жарқ етіп нұр жанарың
көк аспаннан қарадың -
ұмыт болып нұрлы елім
шуағыңмен жанамын.
Өтті сосын сан жылдар
құлазытқан, мұң басқан.
Шарпып талай таңғы ызғар,
шаттықты алды түнгі аспан.
Менен алыс жүр бірақ
мендік жалғыз жалын күн,
ызғар төгіп, бұлдырап
жүрсе де оны сағындым.
Қыраулы бұл шақтарда
нұр сәулеңді шаш, таңым!
Таяғын жат жақтарға
лақтыр өлі патшаның!

АЛЕКСАНДР БЛОК



Пікірлер (0)

Пікір қалдырыңыз

Жеңгелер

  • 0
  • 0

Жаныма жаны жақын ағадан да,
сырды ұғар қабағымнан қарағанда.
Әзілдеп, ақтарылып, еркелетіп,
сендердей ешкім мені бағалар ма?!

Толық

Сағыныштың, айтшы осы, төзім бе емі

  • 0
  • 0

Сағыныштың, айтшы осы, төзім бе емі,
ендеше, анау қайғы не көзіңдегі?
Саған бейжай тұрған боп қарай қалсам,
жеп қоярдай тұрасың өзің мені?!

Толық

Сен үшін сонау алыстардағы елес ем

  • 0
  • 1

Сен үшін сонау алыстардағы елес ем,
осынша мені арман қып келдің неге сен.
«Сыртыңнан сүйіп жүретінімді
сезуші едің ғой» демесең,

Толық

Қарап көріңіз