Құлагер

Құдайбергенге

Халқына өнерімен шырай берген,
жолы да жөні бөлек былайғы елден,
қазақта аты әйгілі бір жігіт бар,
ол – біздің Құдайберген!
Асылын ел сүймесе, жат ұға ма,
сүйеді ел: жас пен кәрі, әкім, ана.
Күледі жылап тұрып күллі қазақ
шыққанда Құдайберген сахнаға.
Күлместі күлдіретін, жылататын,
адалдық, мәрттік көрсе гүл ататын,
биіктеп былықтар мен лай-жерден.
Әзілмен дөкейлерді сұлататын,
ол- біздің Құдайберген!
Ойсыз ер, мисыз бала, кердең келін,
жағымпаз сұм басшыға сенген керім,
сатқандар қалтасы үшін ел мен жерін
қымсынар "берсе еді,- деп,- құдай жәрдем!"
шыққанда сахнаға Құдайберген.
Аралдың әлдилеген құба белі,
ардақтап аялаған қыран елі,
сахна өнерінің Құлагері,
қазақтың маңдайына Құдай берген
жасай бер, айналайын Құдайберген!
1997

---