Фариза Оңғарсынова

Топтардан озбай, қалмай да

Бұл бетте «Топтардан озбай, қалмай да» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.02.2022
0
0
937

Топтардан озбай, қалмай да,
жүргенде досым көп қандай.
Біткендей жалғыз маңдайға
елжіреп қарар, оқталмай.
Досым ба, тілеулесім бе –
әйтеуір бәрі қоршалап,
жүретін кілең, есімде.
Қайда сол достар, сол сағат?
Бұл күнде солар жүр тілдеп,
тістенген жақтар сәт тынбай.
Сыртымнан бірі күңкілдеп,
қарайды бірі жақтырмай.
Жақсы едім, көпке мен үлгі ем -
жаман боп қалғандаймын ба?..
Жырақтап әлде сенімнен,
берілем бе екен жәй мұңға…
Көбінің менмін көргені,
жұтқандай жаңғақ аршымай.
Жалғыз бөкенге шөлдегі
оқталған сансыз аңшыдай
соңымда бәрі. Әлі мен
келемін жалғыз жасқанбай.
Тазарам түбі бәрінен
бұлттары көшкен аспандай.
1981

Фариза Оңғарсынова топтардан озбай қалмай да Фариза Оңғарсынова өлеңдері

Пікірлер (0)

Пікір қалдырыңыз

Жиі қойылатын сұрақтар